Wayne Rooney segir að Mohamed Salah eigi ekki að vera í hópi Liverpool í lokaleik tímabilsins gegn Brentford eftir ummæli Egyptans um stjórann Arne Slot.
Salah sagði nýverið að Liverpool þyrfti að fara aftur að spila skemmtilegri fótbolta fótbolta líkt og undir stjórn Jurgen Klopp, ummæli sem margir túlkuðu sem gagnrýni á Slot.
Rooney telur að Salah hafi verið eigingjarn og sýnt stjóra sínum vanvirðingu.
„Ef ég væri Arne Slot þá kæmi Salah hvergi nálægt vellinum í síðasta leiknum,“ sagði Rooney í hlaðvarpi sínu.
Rooney rifjaði einnig upp eigin reynslu þegar Sir Alex Ferguson skildi hann eftir utan hóps í síðasta heimaleik sínum hjá Manchester United eftir ágreining þeirra á milli.
Salah mun yfirgefa Liverpool í sumar eftir níu ár hjá félaginu þar sem hann hefur skorað 257 mörk og unnið sex stóra titla.
Liverpool er í fimmta sæti deildarinnar en mætir Brentford í lokaleik tímabilsins á Anfield á sunnudag.
