Helgi Fannar og Hörður Snævar fóru yfir það helsta í Íþróttavikunni á 433.is.
Viktor Örn Margeirsson fékk rautt spjald snemma í seinni hálfleik í leik Breiðabliks við Þrótt í 16-liða úrslitum Mjólkurbikarsins. Það kom ekki að sök og unnu Blikar 1-2.
„Viktor Örn Margeirsson fær þarna sinn fyrsta byrjunarliðsleik í sumar og gerir sjálfum sér svosem engan greiða með því að láta henda sér af velli fyrir glórulaust brot,“ sagði Hörður.
„Þetta var stórundarlegt brot,“ sagði Helgi.
„Viktor er öðlingur. Það hefur bara eitthvað slegið saman í hausnum á honum í örfáar sekúndur,“ sagði Hörður.
