Helgi Fannar og Hörður Snævar fóru yfir það helsta í Íþróttavikunni á 433.is.
Stjarnan vann kærkomin 2-1 sigur á KR í 16-liða úrslitum bikarsins, en lítið hefur gengið hjá liðinu í deildinni.
„Þetta var miklu meira en bara sigur fyrir Stjörnuna. Maður sá það bara á þeim, hvernig þeir spiluðu leikinn og fögnuðu svo í lokin,“ sagði Helgi.
„Þeir þurftu á þessu að halda. Eftir fjögur töp í röð var þetta það eina sem var í boði í Garðabænum. Nú er það Keflavík um helgina og þeir þurfa að nýta þennan meðbyr. Það mun enginn í Garðabænum sætta sig við það að tapa fimm deildarleikjum í röð,“ sagði Hörður.
