Líkamsleifar fundust á byggingarsvæði í Jinámar á Gran Canaria á miðvikudagsmorgun. Hefur málið vakið óhug íbúa í bænum.

Canarian Weekly greinir frá.

Byggingaverkamenn sem unnu að uppgrefti á svæðinu ráku augun í höfuðkúpu og er dýpra var grafið kom í ljós beinabind af manni.

Vinnu á svæðinu var samstundis hætt og lögregla kölluð til sem setti í gang rannsókn á vettvangi. Talið er að beinagrindin hafi verið grafin á svæðinu fyrir nokkuð löngu síðan, en ekkert er þó staðfest í þeim efnum.

Réttarmeinafræðingar hafa tekið yfir rannsókn málsins í bili. Lögregla útilokar enga möguleika hvað varðar dánarorsök en ekki liggur fyrir á þessari stundu hvort hinn látni hafi verið myrtur.