Chelsea og Manchester City hafa áhuga á Ibrahim Maza sem leikur með Bayer Leverkusen.
Talið er að félögin hafi fylgst grannt með þessum tvítuga leikmanni undanfarið, en hann hefur vakið athygli fyrir frammistöðu sína í Þýskalandi.
Maza getur spilað bæði á miðjunni og sem fremsti maður og fjölhæfni hans heillar stórliðin. Hann hefur skorað fimm mörk og lagt upp önnur sex á leiktíðinni.
Kappinn er hins vegar samningsbundinn Leverkusen til ársins 2030 og verður verðmiðinn á honum því sennilega fremur hár.
