Erik Lamela, fyrrum leikmaður Tottenham, opnaði sig um meiðsli sem leiddu til þess að hann lagði skóna á hilluna á samfélagsmiðlum.

Lamela, sem kallaði þetta gott inni á fótboltavellinum í fyrra vegna langvarandi meiðsla á mjöðm, birti myndir eftir aðgerð sem hann fór í á dögunum.

„Ég er svolítið aumur, en með nýja mjöðm. Vonandi er þetta upphafið að verkjalausu lífi,“ skrifaði Argentínumaðurinn með og uppskar mikil viðbrögð, þar sem hvatningarorðum rigndi yfir hann.

Lamela, sem leik einnig fyrir Roma og Sevilla, hafði glímt við meiðsli í mörg ár áður en hann ákvað að hætta í fótbolta.

Hann lék alls 487 leiki á ferlinum og vann Evrópudeildina með Sevilla árið 2023.