Á meðan stórleikur Paris Saint-Germain og Bayern Munchen fór fram í Meistaradeild Evrópu í gær var Pep Guardiola, stjóri Manchester City, á allt öðrum leik.

Það hefur vakið athygli að spænski stjórinn sást á pöllunum á leik Stockport County og Port Vale í ensku C-deildinni, sem fram fór á sama tíma og þessi stórbrotni Meistardeildarleikur.

PSG vann leikinn 5-4 eftir mikinn rússíbana. Um var að ræða fyrri leik í undanúrslitum og er allt opið fyrir seinni leikinn.

Óljóst er hvers vegna Guardiola mætti á leikinn, en hann hefur áður lýst yfir mikilli hrifningu af stemningunni í ensku neðri deildunum.

Þess má geta að Port Vale vann leikinn 2-1.