Danijel Djuric, er á leið til KA og hefur hafnað Breiðablik samkvæmt hlaðvarpinu Dr. Football.

„Hann er að fara í KA, hann fer norður. Þriggja ára samningur, þeir kaupa hann,“ sagði Albert Bryjar Ingason í hlaðvarpinu í dag.

Breiðablik og KA hafa verið að eltast við Djuric sem er keyptur frá Istra 1961 í Króatíu.

„Þeir kaupa hann á 18 milljónir, þriggja ára samningur en hann var klár í Blikana. Hann er að fá helmingi hærri laun hjá KA og hann var tilbúinn að taka á sig lægri laun hjá Blikum. Hann testaði þá aðeins, hann fann ekki fyrir því í samningum hversu mikið þeir vildu hann,“ sagði Albert og segir Djuric hafa beðið um treyju númer 10 í Smáranum en ekki fengið hana.

Djuric var frábær hjá Víkingi áður en hann fór til Króatíu þar sem hann fór ekki á flug.

„Hann fann fyrir meiri áhuga hjá KA, hann vildi finna að hann yrði lykilmaður og fann það ekki hjá Blikum.“