Andri Már Eggertsson, Nablinn, og Kjartan Atli Kjartansson voru gestir Helga Fannars Sigurðssonar í Íþróttavikunni.
Tillaga Arsene Wenger að breyttum reglum varðandi rangstöðu hefur vakið mikla athygli. Á nú að taka hana til prófunar í Kanada.
Er hún þannig að allur líkami leikmanns verður að vera fyrir innan svo rangstaða sé dæmd. Þetta er almennt ekki mjög vinsæl hugmynd.
„Ég hef ekki hitt neinn sem er hrifinn af þessu. Hvað segið þið?“ sagði Helgi.
„Það er svo erfitt að breyta í eitthvað nýtt. Ég sé þetta ekki heppnast í framkvæmd,“ sagði Andri.
„Það var talað um að VAR myndi eyða umræðu um dómaramistök. Verða ekki bara líka umdeild atvik í þessu?“ sagði Kjartan.
Umræðan er í spilaranum.
