Textíllistakonan og hönnuðurinn Emma Shannon verður með spennandi smiðju á Borgarbókasafninu Gerðubergi, miðvikudaginn 4. febrúar.
Yfirskrift smiðjunnar er „make-a-thek: Rafmagnaður textíll“ með Emmu Shannon. Í henni kynnir Emma meðal annars skapandi nálganir á saumaskap, smíði og tilraunir með textíltengda tækni. Þátttakendur kynnast svokölluðum „raftextíl“, eða e-textile eins og hann kallast á ensku, og læra að sameina textíl og einfalda rafeindatækni á skemmtilegan hátt.
Vinnustofan er ætluð öllum fullorðnum sem áhuga hafa á textíl, list, hönnun eða STEAM. Fyrri reynsla er ekki nauðsynleg. Að smiðju lokinni hafa þátttakendur öðlast betri skilning á raftextíl og sjálfstraust til að hefja eigin tilraunir.
Smiðjan fer fram klukkan 19:30 – 21:00.
Ókeypis þátttaka, en skráning nauðsynleg á heimasíðu Borgarbókasafnsins.
Öll hjartanlega velkomin.
