Al-Nassr, lið Cristiano Ronaldo, verið sett í félagaskiptabann frá FIFA rétt fyrir opnun janúargluggans.
FIFA uppfærði skrá sína á föstudag og þar kemur fram að sádiarabíska félagið megi ekki skrá nýja leikmenn frá og með 19. desember, en lokadagur bannsins er ekki tilgreindur.
Hefur það vakið óvissu innan félagsins. Fleiri sádiarabísk félög, þar á meðal Al-Shabab og Al-Riyadh, eru einnig á þessum sama lista FIFA.
Þetta er ekki í fyrsta sinn sem Al-Nassr lendir í slíkum vandræðum. Árið 2023 fékk félagið sambærilegt bann vegna vangoldinna bónusa tengdra kaupum á Ahmed Musa frá Leicester.
Það mál var leyst með greiðslu og banninu fljótt aflétt, sem gefur til kynna að þetta mál megi leysa með svipuðum hætti.
