Fyrrum leikmaðurinn Mustapha Hadji er staðráðinn í því að Lamine Yamal hafi gert mistök með því að ákveða að spila fyrir spænska landsliðið.

Yamal hafði val á milli Spánar og Marokkó og valdi það fyrrnefnda en hann er leikmaður Barcelona.

Um er að ræða einn allra efnilegasta leikmann heims sem spilaði sinn fyrsta aðalliðsleik aðeins 15 ára gamall.

Hadji er vonsvikinn með ákvörðun Yamal en hann er fyrrum leikmaður Marokkó og liða eins og Aston Villa og Coventry.

,,Þó hann hafi ákveðið að velja Spán þá mun hann aldrei finna fyrir sömu ást þar og hjá okkur. Það er leiðinlegt að hann hafi ekki valið okkur,“ sagði Hadji.

,,Ef hann hefði valið Marokkó þá væru hlutirnir öðruvísi, það er mjög sorglegt. Ég las nýlega í spænskum miðlum að þeir væru spenntari fyrir Pedri en Yamal, það þýðir að hann hafi gert mistök.“