Chelsea ætlar að leggja megináherslu á að styrkja miðju liðsins í sumar, samkvæmt Telegraph.

Samkvæmt Telegraph er miðsvæðið forgangsmál hjá forráðamönnum Chelsea fyrir næsta félagaskiptaglugga og hafa þeir þegar sett nöfn nokkurra leikmanna á óskalista sinn.

Þar á meðal eru tveir ungir enskir landsliðsmenn, Kobbie Mainoo, 20 ára miðjumaður Manchester United, og Adam Wharton, 21 árs leikmaður Crystal Palace.

Mainoo hefur átt erfitt með að fá reglulegt hlutverk hjá Manchester United á þessu tímabili, en er engu að síður talinn einn efnilegasti miðjumaður Englands.

Wharton hefur hins vegar vakið mikla athygli með stöðugri frammistöðu sinni hjá Crystal Palace og fest sig í sessi í byrjunarliðinu.

Chelsea telur styrkingu á miðjunni lykilatriði til að taka næsta skref og snúa aftur í baráttu við fremstu lið deildarinnar. Engar formlegar viðræður hafa þó verið staðfestar á þessu stigi.