Tottenham Hotspur er að íhuga að skipta um knattspyrnustjóra og hafa augastað á Xavi Hernández, fyrrverandi þjálfara Barcelona, samkvæmt spænska miðlinum Fichajes.
Thomas Frank er sagður undir mikilli pressu hjá félaginu eftir sveiflukennt gengi liðsins og óvissu um framtíð Tottenham á tímabilinu. Forráðamenn félagsins eru því sagðir skoða möguleika á breytingum í stjórateyminu ef árangur batnar ekki á næstunni.
Xavi, sem stýrði Barcelona á síðustu árum og leiddi félagið meðal annars til spænska meistaratitilsins, er talinn áhugaverður kostur fyrir Spurs.
Engar formlegar viðræður hafa þó verið staðfestar, en fregnirnar ýta enn frekar undir vangaveltur um framtíð Thomas Frank hjá Tottenham.
