West Ham United er samkvæmt Football Insider að skoða möguleikann á að fá portúgalska markvörðinn Jose Sa frá Wolves í janúar.
Sa hefur verið einn af lykilleikmönnum Úlfanna undanfarin ár, en hann er þó kominn á bekkinn hjá liðinu, sem er langneðst í ensku úrvalsdeildinni.
Alphonse Areola hefur varið mark West Ham í síðustu leikjum, en Mads Hermansen var í markinu í byrjun tímabils.
Sa er samningsbundinn Wolves í eitt og hálft ár til viðbótar. Reynsla hans úr ensku úrvalsdeildinni heillar West Ham.
