Fyrrum framherji Manchester United, Louis Saha, telur að félagið verði að kaupa reyndan sóknarmann í janúar til að skapa meiri samkeppni fyrir Benjamin Sesko.
Sesko, sem kom frá RB Leipzig fyrir 74 milljónir punda síðasta sumar, hefur aðeins skorað tvö mörk og lagt upp eitt í 12 leikjum áður en hann meiddist á hné. Þar fyrir utan skortir United breidd í stöðuna, þar sem Matheus Cunha nýtur sín frekar aftarlega og Joshua Zirkzee hefur ekki enn náð sér á strik.
Saha, 47 ára, segir að United ætti að íhuga alvarlega að endurskraða Danny Welbeck, 35 ára, sem hefur verið endurfæddur hjá Brighton með sjö mörk og eina stoðsendingu í 14 leikjum á tímabilinu.
„Ég hefði viljað sjá United taka Danny í sumar,“ sagði Saha. „Hann er mjög hæfileikaríkur, skilvirkur og reynslumikill, og Sesko og aðrir gætu lært mikið af honum.“
