Markvörður Manchester United, Senne Lammens, hefur hrósað þjálfara liðsins, Rúben Amorim, fyrir að hafa varið leikmennina fyrir þeirri miklu pressu sem fylgt hefur erfiðri byrjun á tímabilinu.

United vann á sunnudag sinn fyrsta sigur á Anfield í nærri áratug og tryggði sér jafnframt tvo deildarsigra í röð í fyrsta sinn síðan í maí 2024.

Amorim varð fyrir mikilli gagnrýni eftir erfiða byrjun á tímabilinu, þar sem liðið tapaði þremur leikjum í ensku úrvalsdeildinni og féll á niðurlægjandi úr deildarbikarnum gegn Grimsby Town.

En eftir glæsilegan sigur á erkifjendunum frá Liverpool hefur trúin mætt aftur innan herbúða United. Lammens, sem gekk í raðir félagsins á lokadegi félagaskiptagluggans og hefur verið í byrjunarliði í síðustu tveimur sigrum, segir að Amorim hafi sýnt styrk með því að draga pressuna frá leikmönnum.

„Fyrir mig er hann alltaf sá sami,“ sagði Lammens. „Ég hef ekki verið hér lengi, en þú finnur að hann tekur alla pressuna á sig sjálfur. Hann reynir að halda henni frá hópnum, og það er það sem frábærir þjálfarar gera.“

Hinn 22 ára gamli markvörður bætti við að hann reyni að halda sér fjarri umræðunni utan vallar: „Ég reyni mitt besta til að útiloka hávaðann. Mér finnst ég standa mig ágætlega í því , að láta það sem gerist fyrir utan völlinn ekki trufla mig.“