Kristbjörg hefur verið gift landsliðsmanninum Aroni Einari Gunnarssyni síðan 17. júní árið 2017. Þau eiga saman þrjá syni. Fjölskyldan hefur verið búsett í Katar frá árinu 2019.
Kristbjörg deilir reglulega hugleiðingum sínum á samfélagsmiðlum og segir hreinskilið frá því þegar hún er að ganga í gegnum erfið tímabil og hvernig henni líður hverju sinni.
Sjá einnig: Kristbjörg opnar sig: „Ég spyr mig oft: Erum við að gera rétt?“
„Kannski tekur þú ekki eftir framförunum þínum því þú ert alltaf að hækka kröfurnar þínar.“ Þetta er setningin sem Kristbjörg las nýverið og hafði mikil áhrif á hana. Hún tengdi við hana, ekki bara varðandi hreyfingu heldur líka vinnu, móðurhlutverkið og lífið.
„Ég er svo metnaðarfull að ég gleymi stundum að stoppa og fagna hversu langt ég er nú þegar komin. Í staðinn hoppa ég strax á næstu áskorun, næsta markmið. Og ef ég á að vera alveg hreinskilin þá getur það tekið gleðina í burtu.
Undanfarið hef ég verið svekkt út í mig sjálfa, mér líður eins og ég sé föst á sama stað. En í dag er ég að minna mig á að framfarir eru samt framfarir, þó manni líður ekki eins og allt sé á fullu.“
Kristbjörg er með ráð til þeirra sem eru að glíma við svipaðar tilfinningar.
„Staldraðu við, taktu eftir hversu langt þú ert komin og fagnaðu því. Við þurfum ekki alltaf að ná stóru markmiði til að vera stolt af okkur.“
Sjá einnig: „Ég veit að margir eiga erfitt eða hafa stundum átt erfitt með það sama“
