Marc Guehi taldi að hann yrði leikmaður Liverpool í dag en Crystal Palace ákvað á síðustu stundu að hætta við að selja hann.
Guehi var búinn að fara í læknisskoðun hjá Liverpool og allt virtist klárt.
Palace mistókst hins vegar að fylla skarð hans og hætti Palace við á síðustu stundu.
Ensk blöð segja í kvöld að Guehi hafi fengið þau skilaboð frá Liverpool að félagið muni halda áfram að eltast við hann.
Liverpool gæti reynt að kaupa Guehi í janúar en annars er líklegt að hann fari frítt til félagsins næsta sumar þegar samningur hans við Palace rennur út.
