Al-Nassr vill styrkja sig vel í sumar í kjölfar frétta um að Cristiano Ronaldo verði áfram.
Samningur Ronaldo er að renna út en er útlit fyrir að þessi fertugi leikmaður verði þó áfram.
Hann setur kröfur á stjórnina eftir titlalaust tímabil og horfir Al-Nassr nú til Kim Min-jae hjá Bayern Munchen.
Miðvörðurinn hefur verið í stóru hlutverki hjá Bayern en félagið fékk Jonatan Tah til sín frá Bayer Leverkusen á dögunum og er sagt opið fyrir að selja Kim.
Sjálfur er Suður-Kóreumaðurinn sagður opinn fyrir því að skoða aðra möguleika.
