Kantmaðurinn Leroy Sane er á leið til Galatasaray frá Bayern Munchen.
Samningur Sane, sem er fyrrum leikmaður Manchester City, er að renna út. Hefur hann verið orðaður við endurkomu til Englands, aðalega við Arsenal.
Þá vildi Bayern halda honum en hefur Þjóðverjinn hafnað öllum samningstilboðum félagsins.
Hefur hann valið að ganga í raðir Galatasaray samkvæmt helstu miðlum. Mun hann skrifa undir þriggja ára samnig og þéna um 10 milljónir punda í árslaun.
Sane hefur verið hjá Bayern síðan 2020, spilað stóra rullu og unnið fjölda titla.
