„Þetta eru sætustu sigrarnir og bara ótrúlega gaman,“ sagði Ólafur Jóhannesson, þjálfari Vals eftir 2-1 sigur liðsins á Breiðablik í kvöld.

Það var Hrvoje Tokic sem kom Blikum yfir strax á 5 mínútu áður en Einar Karl Ingvarsson jafnaði metin fyrir Valsmenn í upphafi síðari hálfleiks.

Bjarni Ólafur Eiríksson tryggði Valsmönnum svo öll þrjú stigin í leiknum með marki í uppbótartíma og lokatölur því 2-1 fyrir Valsara.

„Mér fannst við fá smá kjaftshögg þarna í byrjun þegar að við fáum þetta mark á okkur en við svörum því vel fannst mér og heilt yfir vorum við betri aðilinn í kvöld.“

„Fyrir mér var bara eitt lið inn á vellinum sem sýndi einhvern áhuga á því að vinna þennan leik.“

Viðtalið í heild sinni má sjá hér fyrir ofan og neðan.