Bjarni Helgason skrifar frá Ermelo:

„Standið á leikmannahópnum er gott, leikurinn var frekar seint og við komum seint heim þannig að dagurinn í gær fór bara í það að ná líkamanum í stand,“ sagði Guðbjörg Gunnarsdóttir, markmaður íslenska liðsins á æfingu í morgun.

Ísland mætir Sviss í öðrum leik sínum á EM laugardaginn 22. júlí en íslenska liðið tapaði fyrsta leik sínum á mótinu gegn Frökkum, 0-1.

„Mér fannst samskiptin ganga vel á móti Frökkunum, það var aldrei neinn misskilningur á milli mín og varnarmannanna allavega, ég auðvitað heyri ekki allt sem fer fram, fremst á vellinum en heilt yfir gekk þetta mjög vel.“

„Þetta verður jafn leikur á móti Sviss, við þurfum bara að gera allt sem við getum þannig að þessir litlu hlutir falli með okkur. Þetta er leikur sem við þurfum að vinna og við verðum að ná upp sama varnarleik og á móti Frökkunum. Við þurfum að svo að ná lengri sóttum og róað spilið betur.“

Viðtalið í heild sinni má sjá hér fyrir ofan og neðan.