Arnar Már Guðjónsson, leikmaður ÍA, var afar sáttur með stigið sem liðið fékk í dag gegn Stjörnunni á útivelli.
,,Þetta er gott stig á erfiðum útivelli og sérstaklega að koma til baka tvisvar, það sýnir karakter,“ sagði Arnar.
,,Við höfum sýnt það oft áður í sumar og í fyrra að við gefumst ekki upp en það var svekkjandi að fá þessi mörk á okkur.“
Garðar Gunnlaugsson hefði getað tryggt ÍA öll þrjú stigin í leiknum en hann fékk gott færi undir lokin.
,,Ef hann hefði verið á grasi þá hefði hann skorað!“ sagði Arnar með bros á vör.
