„Þetta var fyrsti bikarinn minn með KR og þeir telja allir,“ sagði Tobias Thomsen, framherji KR eftir 4-0 sigur liðsins gegn Grindavík í dag í úrslitum Lengjubikarsins.

Það voru þeir Óskar Örn Hauksson, Tobias Thomsen og Ástbjörn Þórðarson sem skoruðu mörk KR í leiknum en sigurinn var afar sannfærandi.

„Ég er að elska þetta hérna, strákarnir hafa tekið vel á móti mér og þetta er mjög gott lið og ég er bjartsýnn fyrir sumarinu.“

„Við byrjuðum hægt en unnum okkur vel inn í leikinn og skorum fjögur góð mörk og höldum hreinu þannig að það er frábært.“

„Ég er mjög hrifinn af íslenskum fótbolta. Það eru margir góðir leikmenn hérna og menn leggja mikið á sig og menn eru alltaf að bæta sig.“

Viðtalið í heild sinni má sjá hér fyrir neðan.