Manchester United fylgist grannt með stöðu Aurélien Tchouaméni hjá Real Madrid þar sem félagið undirbýr sig fyrir sumargluggann.
Miðjan er sögð forgangsmál hjá United og félagið er að skoða nokkra leikmenn til að styrkja stöðuna. Tchouaméni er einn þeirra sem eru til skoðunar, en hugsanleg kaup myndu þó ráðast af því hvort Real Madrid sé tilbúið að selja.
United er jafnframt að leita að arftaka Casemiro sem gæti spilað við hlið Kobbie Mainoo á miðjunni.
Auk Tchouaméni hafa leikmenn á borð við Elliot Anderson, Carlos Baleba, Adam Wharton og Ayoub Bouaddi verið orðaðir við félagið.
Þá er framtíð Manuel Ugarte einnig óljós. United gæti því keypt tvo miðjumenn í sumar þar sem uppbygging liðsins heldur áfram.
