Yfirvöld í Bretlandi hafa sent nýja viðvörun til þeirra sem nota ólögleg sjónvarpsbox og svokallaða „dodgy Fire Sticks“ eftir að fimm menn í umfangsmiklu sjóræningjamáli voru dæmdir til að greiða samtals 3,75 milljónir punda eða sæta lengri fangelsisdómum.
Málið tengist skipulagðri glæpastarfsemi sem bauð fólki ólöglegan aðgang að íþróttaviðburðum, kvikmyndum og sjónvarpsefni í gegnum ólögleg streymistæki. Höfuðpaurinn, Mark Gould, hlaut áður 11 ára fangelsisdóm vegna málsins.
Nú hefur dómstóll í Derby skipað Gould og fjórum samverkamönnum hans að endurgreiða allan hagnað sem þeir höfðu af starfseminni. Gould einn þarf að greiða 2,35 milljónir punda innan þriggja mánaða, ella bætast tíu ár við fangelsisdóm hans.
Premier League og bresk yfirvöld segja dóminn senda skýr skilaboð til þeirra sem hyggjast stunda sambærilega starfsemi í framtíðinni.
