Tvö stig hafa verið dregin af West Brom í ensku B-deildinni fyrir brot á fjárhagsreglum.

Frádrátturinn þýðir að liðið er ekki lengur öruggt með sæti sitt í deildinni. Það er nú í 20. sæti, sex stigum fyrir ofan fallsæti þegar tveir leikir eru eftir, og þarf eitt stig til viðbótar til að tryggja veru sína þar.

Málið snýst um að félagið á að hafa farið lítillega yfir leyfilegt hámarkstap, um 39 milljónir punda á þremur árum. West Brom neitar sök og íhugar að áfrýja niðurstöðunni.

Þetta er þriðja liðið í B-deildinni sem fær stigafrádrátt á tímabilinu, á eftir Sheffield Wednesday og Leicester, sem bæði eru fallin.