Rekstur á knattspyrnudeild Fram virðist í góðu jafnvægi. Samkvæmt rekstrarreikningi nam hagnaður félagsins á árinu 11,3 millj. kr. Eigið fé í árslok var nam 88,5 millj. kr. samkvæmt efnahagsreikningi.
Flestir tekjuliðir deildarinnar aukast á milli ára fyrir utan styrki sem fer úr 205 milljónum í 93 milljónir. Á árinu 2024 erfði félagið verulega fjármuni frá fyrrum félaga í Fram.
Fram seldi leikmenn fyrir 25 milljónir króna á síðasta ári. Tekjur deildarinnar voru 250 milljónir og lækka um 24 milljónir á milli ára.
Meira:
Svart ský yfir rekstrinum í Garðabæ: Laun hækkuðu rosalega – Tapið á síðasta ári yfir 80 milljónir
Blómlegur rekstur á Hlíðarenda: Aukning í tekjum og góður hagnaður – Laun hækka talsvert á milli ára
Góðæri á Akranesi: Góður hagnaður þrátt fyrir miklar launahækkanir á milli ára
Útgjöld deildarinnar aukast á milli ára og voru 242 milljónir en voru tæpar 200 milljónir árið á undan. Launagreiðslur voru 188 milljónir og hækka um 25 milljónir á milli ára. Fram var með lið í Bestu deild karla og kvenna síðasta sumar.
Skuldir deildarinnar eru ekki miklar eða rétt rúmar 16 milljónir króna. Félagið fékk 25 milljóna króna styrk frá aðalstjórn félagsins á liðnu ári, sem er ögn minna en árið á undan.
