Íslenska kvennalandsliðið er komið saman til æfinga í Serbíu og hefur þar með hafið undirbúning sinn fyrir lokakeppni EM sem fer fram í Sviss.
Áður en íslenska liðið heldur til Sviss mætir það því serbneska í vináttuleik 27. júní. Stelpurnar okkar æfa á æfingasvæði serbneska knattspyrnusambandsins og þar mun leikurinn einnig fara fram.
Ísland er í riðli með Finnlandi, Sviss og Noregi á EM og er fyrsti leikurinn 2. júlí gegn fyrstnefnda liðinu. 433.is verður að sjálfsögðu á staðnum.
