Viðræður milli AC Milan og Bayer Leverkusen vegna Granit Xhaka áttu sér stað um helgina og gæti miðjumaðurinn verið á förum.

Xhaka hefur verið hjá Leverkusen í tvö ár og vann deild og bikar með liðinu í fyrra, á sínu fyrsta tímabili eftir komunni frá Arsenal.

Nú er þessi 32 ára gamli leikmaður hins vegar sagður opinn fyrir því að fara samkvæmt fjölda erlendra miðla.

Reynsluboltinn og goðsögnin Luka Modric er einnig sterklega orðaður við Milan þessa dagana, en hann er að verða samningslaus hjá Real Madrid.

Ítalska liðið, sem olli vonbrigðum á síðasta tímabili, gæti því boðið upp á ansi öfluga miðju á næstu leiktíð.