Manchester United og West Ham skildu jöfn í síðasta leik umferðarinnar í ensku úrvalsdeildinni í gær. Markalaust var í næstum klukkustund en þá kom Diogo Dalot United yfir og útlitið gott fyrir heimamenn á Old Trafford.
Þeir héldu þó ekki út því Soungoutou Magassa jafnaði metin fyrir Hamranna á 83. mínútu og þar við sat, 1-1. United er í áttunda sæti með 22 stig en West Ham er í fallsæti eftir umferðina og vantar tvö stig upp í Leeds, sem er í síðasta örugga sætinu.
Seint í leiknum var Aaron Wan-Bissaka heppin að fá ekki rautt spjald, hann var á gulu spjaldi og braut gróflega af sér.
Leikurinn hélt áfram en flestir áttu von á því að Bissaka yrði rekinn af velli þegar leikurinn yrði stoppaður.
Brotið má sjá hér að neðan.
AWB did this on a yellow & he played advantage pic.twitter.com/r2mXevWS3Q https://t.co/3uRbiJWLqB
— N8 (@Vararse_) December 4, 2025
