Jón Steinar Gunnlaugsson, hæstaréttarlögmaður og fyrrum dómari telur að Símon Sigvaldason, oft nefndur Símon Grimmi þekki ekki meginreglu opinberra mála. Þessi ummæli koma í kjölfarið af því að Símon vildi dæma Albert Guðmundsson, landsliðsmann Íslands í knattspyrnu, í 30 mánaða fangelsi.

Albert Guðmundsson var í Landsrétti í gær sýknaður af ákæru um nauðgun. Albert var sýknaður í Héraðsdómi Reykjavíkur í október í fyrra af ákæru fyrir að hafa haft önnur kynferðismök en samræði við konu án hennar samþykkis. Var þeirri niðurstöðu áfrýjað til Landsréttar sem staðfesti sýknu Alberts.

Meira:
Símon Grimmi vildi dæma Albert í fangelsi í 30 mánuði – „Samt sem áður ekki ótrúverðugur í sjálfu sér“
Albert segir eina glæpinn þessa nótt hafa verið að þau héldu framhjá mökum sínum

Símon skilaði sératkvæði í málinu og taldi Albert sekan í málinu, vildi hann ganga þannig frá málinu að Albert færi í fangelsi í 30 mánuði.

Jón Steinar lætur ummæli falla á Facebook um málið. „Símon virðist ekki þekkja meginreglu opinberra mála um að sanna þurfi sök á sakborning til að unnt sé að sakfella hann. Allir sem þekkja til starfa Símons þekkja þessa ótrúlegu viðleitni hans og hefur hann verið uppnefndur af því tilefni,“ segir Jón Steinar.

Símon hefur gengið undir þessu viðurnefni vegna hás sakfellingarhlutfalls hans í gegnum tíðina

Helgi Magnús Gunnarsson, fyrrverandi vararíkissaksóknari tók í svipaðan streng á Facebook síðu Vísis í gær og svaraði þar lögmanni konunnar sem ákærði. Hafði hún látið hafa eftir sér að dómurinn hefði verið tæpur.

„Það er ekkert tæpt i þessum efnum. Annað hvort er hann sekur eða saklaus, og hann var fundinn ekki sekur og þar með saklaus. Þetta er ekki fótboltaleikur,“ skrifaði Helgi Magnús.