Körfuboltagoðsögnin Dennis Rodman hefur svarað dóttur sinni Trinity sem lét í sér heyra í hlaðvarpsþættinum ‘Call Her Daddy’ á dögunum.

Trinity gagnrýndi harkalega Rodman í þeim þætti og segir frá því að faðir sinn sé fyllibytta og að hann hafi lítið sem ekkert verið til staðar í gegnum árin.

Rodman hefur tekið eftir þessum skilaboðum dóttur sinnar og ákvað sjálfur að opna sig um málið opinberlega.

,,Ég biðst afsökunar á því að hafa ekki verið sá pabbi sem vildir að ég væri,“ sagði Rodman á móti.

,,Ég er samt að reyna og ég mun aldrei hætta. Ég mun halda áfram jafnvel þó að þú sért fullorðin í dag og svarar ekki símanum. Ég mun halda áfram þó það sé erfitt og það taki langan tíma.“

,,Ég er alltaf til staðar og minni þig reglulega á hversu stoltur ég er af þér. Ég hef alltaf verið með eina ósk og það er að börnin mín hringi í mig og heimsæki mig. Vonandi gerist það einn daginn.“

,,Ég er enn hérna og er enn að reyna. Taktu upp símann, þú ert með símanúmerið mitt. Þú sérð að ég er að hringja í þig. Ég er enn hérna.“