Kevin de Bruyne hefur tjáð sig um eigin líðan en hann er einn allra mikilvægasti leikmaður Manchester City.
Belginn hefur lengi verið einn besti leikmaður heims í sinni stöðu en hefur glímt við leiðinleg meiðsli á tímabilinu.
Hlutirnir voru mjög slæmir á tímapunkti þar sem De Bruyne segir að hann hafi ekki haft getuna í að sparka í fótbolta.
De Bruyne sneri aftur á völlinn í byrjun nóvember en hefur aðeins spilað 38 mínútur síðan þá.
,,Þegar ég sneri aftur þá leið mér vel fyrstu fimm leikina en eftir leikinn gegn Brentford þá var líðan mun verri en ég hefði viljað,“ sagði De Bruyne.
,,Það er ekki mikið sem ég get sagt en ég gat ekki sparkað í bolta. Ég gat gert ýmsa hluti en ég gat ekki hreyft mig á þann hátt sem ég þurfti.“
,,Í landsleikjahlénu byrjaði mér að líða betur en þetta hefur verið mjög pirrandi tímabil.“
