Fredy Guarin fyrrum leikmaður Inter Milan reyndi að taka eigið líf, hann var langt leiddur alkahólisti og opnar sig nú um vandamálið.
Guarin hætti árið 2021 eftir farsælan 15 ára feril en hann lék með Inter, Porto og fleiri liðum.
„Ég varð frægur á Ítalíu en þá voru vandamálin byrjuð utan vallar,“ segir Guarin.
„Ég náði að stjórna þessu fyrst, ég var fullur tveimur dögum fyrir leik. Fór svo í leikinn og skoraði og við unnum.“
„Ég drakk heima, ég drakk á klúbbnum, ég drakk á veitingastöðum. Ég var með fjölskyldu og vissi að ég væri að gera mistök, bæði vegna vinnu og fjölskyldu.“
„Ég byrjaði að gera mistök í fótboltanum og í persónulega lífinu. Ég tapaði mér í áfenginu, Inter ákvað að láta mig fara vegna þess.“
Guarin var leikmaður Vasco da Gama í Brasilíu þegar COVID skall á heiminn og þá fór allt úr böndunum.
„Ég var mjög glaður fyrstu sex mánuðina þar en svo kom COVID og ég gekk í gegnum skilnað. Það komu dagar þar sem ég drakk 70 bjóra á degi.“
„Það var faraldur og engar æfingar, ég svaf hjá öllum þeim konu sem höfðu áhuga og var í ruglinu. ÉG leitaðist eftir áhættu, ég tók bara tíu daga fyllerí.“
„Ég bjó á 17 hæð og reyndi að henda mér út um gluggann, það var net fyrir gluggunum og ég fór til baka. Ég áttaði mig ekki á neinu.“
