Fótbolti.net greinir frá því í kvöld að ÍBV vilji semja við miðjumanninn Jörgen Pettersen.
Pettersen þekkir vel til hér á landi en hann hefur undanfarin þrjú ár leikið fyrir bæði ÍR og Þrótt Reykjavík.
Um er að ræða 27 ára gamlan leikmann sem spilaði stórt hlutverk með Þrótturum á síðasta tímabili.
Pettersen er samningslaus þessa stundina og gæti endað á að semja við ÍBV sem er komið í efstu deild.
Omar Sowe samdi við ÍBV á dögunum en sá mikli markaskorari kom til félagsins frá Leikni.
