Stuðningsmenn Liverpool á Anfield í gær voru gáttaðir á því hversu rólegur Alexis Mac Allister var áður en hann jafnaði metin gegn Manchester City í gær af vítapunktinum.
Liverpool og City mættust í gríðarlega mikilvægum leik í toppbaráttu ensku úrvalsdeildarinnar í gær. Honum lauk með 1-1 jafntefli og er Arsenal þar með komið á toppinn, á undan Liverpool á markatölu og stigi á undan City.
Mac Allister skoraði mark Liverpool einmitt úr víti snemma í seinni hálfleik og hann var hinn rólegasti í aðdraganda spyrnunnar.
Áhorfandi nokkur tók myndband af því þegar miðjumaðurinn fór að halda á lofti á meðan hann beið eftir að fá að taka spyrnuna.
„Ég get allavega sagt að ég var ekki svona rólegur,“ er haft eftir einum stuðningsmanni Liverpool í enskum miðlum.
Our Argentinian warrior has the calmness to perform some keep-ups before slotting a massive pressure penalty. Mac Allister and Endō bossed the game and had the likes of Rodri and KDB gasping for air. What a performance — Absolute warriors. 🇦🇷🇯🇵#LFC #LIVMCI pic.twitter.com/vXqRg13TvR
— AsimLFC (@asim_lfc) March 10, 2024
