Sadio Mane vekur athygli þessa dagana eftir að hann giftist 19 ára stúlku frá Senegal. Miðlar þar í landi segja að Mane hafi valið sér hana fyrir þremur árum.
Viðtal við Mane fyrir nokkrum árum vekur athygli í dag þar sem hann tjáði sig um það hvernig konu hann vildi fara í gegnum lífið með.
„Ég hef hitt margar stelpur sem skilja ekki af hverju ég er ekki giftur. Konan sem ég giftist verður ekki á samfélagsmiðlum,“ sagði Mane árið 2022.
„Ég vil giftast konu sem tilbiður guð og fer með bænir, það fá allir val um það hvernig þeir velja ástina.“
Mane giftist hinni 19 ára gömlu Aisha Tamba um helgina í heimalandi sínu en Mane er 31 árs gamall.
Einnig er sagt frá því í fréttum ytra að Mane hafi greitt skólagjöld hennar á námsárunum.
Mane er í dag leikmaður Al-Nassr í Sádi-Arabíu. Hann var þar áður hjá Bayern Munchen en er auðvitað þekktastur fyrir ár sín hjá Liverpool.
