Leikkonan Blake Lively var mætt á heimavöll Wrexham um helgina. Eiginmaður hennar er Ryan Reynolds, leikari og eigandi Wrexham.

Það hefur verið mikið stuð í kringum Wrexham. Kvennalið félagsins komst upp um deild um helgina og tryggði sér stöðu sem hálf-atvinnumannalið.

Þá er karlaliðið á góðri leið með að koma sér upp í ensku D-deildina úr utandeildinni.

Lively var vitaskuld í stuði um helgina og sló á létta strengi þegar stuðningsmaður bað hana um að heilsa upp á kærustu sína á myndbandi.

„Blake, getur þú sagt hæ við Stephanie, kærustuna mína?“ spurði stuðningsmaðurinn.

„Hæ, Stephanie. Þú ættir að fara frá honum,“ svaraði Lively og uppskar mikinn hlátur.

Myndband af þessu er hér að neðan.

This wasn't what this Wrexham fan was expecting from Blake Lively 😂

(via @SWXM01) pic.twitter.com/h5y6LD3Mtn

— ESPN FC (@ESPNFC) March 28, 2023