Sádi-Arabar ætla sér að halda áfram að sanka að sér leikmönnum í deild sína í janúar eftir að hafa heldur betur tekið til sín á markaðnum á þessu ári.
Breska götublaðið The Sun tók saman níu stjörnur sem gætu haldið í peningana í Sádí strax í janúarglugganum.
Mohamed Salah
Liverpool hafnaði 215 milljóna punda tilboði Al Ittihad í Salah í sumar en líklegt er að Egyptinn haldi þangað einn daginn. Það þykir þó ólíklegt að það verði í janúar, enda Liverpool í harðri toppbaráttu.
Kylian Mbappe
Talið er að PSG hafi samþykkt 259 milljóna punda tilboð í Mbappe frá Al Hilal í sumar en hann vildi sjálfur ekki fara. Mbappe er áfram sterklega orðaður við Real Madrid.
Jadon Sancho
Fær ekki að koma nálægt aðalliði Manchester United og er líklega á förum. Er orðaður við sitt fyrrum félag Dortmund en einnig Al Hilal í Sádí.
Luka Modric
Líklegt er að miðjumaðurinn fari frá Real Madrid næsta sumar þegar samningur hans rennur út en Sádar gætu reynt að lokka hann til sín í janúar.
Casemiro
Kom til Manchester United fyrir 18 mánuðum síðan en peningarnir í Sádi-Arabíu eru sagðir heilla þennan 31 árs gamla miðjumann.
Raphael Varane
United skoðar að losa nokkra menn til Sádí og eru til í að selja Varane fyrir 20 milljónir punda.
Hugo Lloris
Lloris hefur verið settur út í kuldann hjá Tottenham síðan Ange Postecoglou tók við. Það myndi án vera freistandi fyrir þennan 36 ára gamla markvörð að taka einn góðan samning í viðbót í Sádí.
Thomas Partey
Talið er að Partey vilji fara frá Arsenal og hefur hann einnig verið orðaður við Juventus.
Thiago Alcantara
Hefur lítið spilað fyrir Liverpool vegna meiðsla og er nú orðaður við Sádí.
