Albert Guðmundsson sneri aftur í lið Genoa í dag sem spilaði við Monza í ítölsku A deildinni.
Albert hefur í raun verið besti leikmaður Genoa á tímabilinu en hefur misst af síðustu leikjum vegna meiðsla.
Endurkoma Alberts dugði ekki til í dag en Monza vann leikinn með einu marki gegn engu.
Dany Mota skoraði eina markið er sjö mínútur voru eftir en Albert spilaði allan leikinn fyrir gestina.
Monza lyfti sér upp í níunda sæti deildarinnar með sigrinum en Genoa er aðeins fjórum stigum frá falli eftir erfitt gengi undanfarið.
