Moises Caicedo, miðjumaður Brighton, viðurkennir að hafa verið ansi nálægt því að ganga í raðir Arsenal síðastliðinn janúar.
Arsenal hafði mikinn áhuga á Caicedo, en félagið leitaði að styrkingu á miðsvæði sitt.
Brighton vildi hins vegar alls ekki missa leikmanninn og hafnaði tilboðum Skyttanna. Það síðasta hljóðaði upp á 70 milljónir punda.
Arsenal sneri sér til Chelsea og fékk Jorginho til liðs við sig í stað Caicedo.
„Ég var mjög nálægt því að ganga til liðs við Arsenal. Ég átti því mjög erfitt,“ segir Caicedo sem vildi ganga í raðir Lundúaliðsins.
„Mér líkaði við þá þar sem þeir eru með unga og hæfileikaríka leikmenn sem og stjörnur. Hugarfar þeirra er að vilja alltaf meira.“
Hinn 21 árs gamli Caicedo hefur þó ekki áhyggjur af því að fá ekki fleiri góð tilboð í framtíðinni.
„Ég er viss um að ég fái mörg tækifæri.“
