Izabel Goulart unnusta Kevin Trapp sem ver mark Eintracht Frankfurt var vafalítið ánægð með markalaust jafntefli liðsins gegn Tottenham í Meistaradeildinni í gær.
Trapp er nefnilega í þannig skapi eftir slæm úrslit að hann neitar að stunda kynlíf með ástkonu sinni.
Hefur Goulart rætt málið opinberlega og kvartað undan því að slæm úrslit hafi áhrif á stemminguna í svefnherberginu.
„Kevin og ég stundum mjög mikið kynlíf, fjórum eða fimm sinnum í viku,“ sagði Goulart um stöðu mála.
„Ef hann spilar mikilvægan leik og tapar, þá get ég haft mig alla til, lagað neglurnar og farið í kynþokkafull undirföt. Það breytir engu, þá er ekkert kynlíf í boði.“
Trapp er 32 ára gamall en Izabel er 37 ára gömul og hefur notið mikilla vinsælda sem fyrirsæta.
