Joana Sanz, eiginkona Dani Alves, hefur heimsótt hann í fangelsi í fyrsta sinn síðan honum var stungið inn, grunaður um nauðgun á skemmtistað. Hún þvertekur fyrir orðróma sem hafa verið á kreiki um sig.
Hinn 39 ára gamli Alves er sakaður um að hafa misnotað konu kynferðislega á næturklúbbi í Barcelona í lok desember en hann neitar sök í málinu. Hann segist hafa stundað kynlíf með samþykki beggja aðila. Hann sætir nú rannsókn en situr í fangelsi á meðan.
Það hafa verið orðrómar þess efni að Sanz hafi beðið um skilað frá Alves. Hún segist hins vegar ekki hafi tekið ákvörðun um neitt slíkt og að hún muni opinbera það sjálf ef svo fer.
„Ég mun ekki yfirgefa hann á versta augnabliki ævi hans,“ sagði Sanz við fjölmiðla eftir heimsókn í fangelsi Alves.
Sanz segir einnig að fréttir frá því í síðustu viku um að Alves hafi neitað að hitta hana í fangelsinu séu rangar.
Alves og lögfræðingar hans hafa þegar sótt um að hann fái að sæta stofufangelsi á meðan rannsókn stendur. Sem stendur situr hann inni í Brians 2 fangelsinu nálægt Barcelona.
Alves var á mála hjá Pumas í Mexíkó þegar meint brot átti sér stað á skemmtistaðnum. Í ljósi aðstæðna hefur félagið látið hann fara.
Á sínum atvinnumannaferli hefur Alves leikið með liðum á borð við Barcelona, Paris Saint-Germain og Juventus. Þá á hann að baki yfir eitt hundrað leiki fyrir brasilíska A-landsliðið. Hann var hluti af leikmannahópi Brasilíu á HM í Katar undir lok síðasta árs.
