Það er enn möguleiki á að Cristiano Ronaldo verði áfram hjá Manchester United í vetur samkvæmt blaðamanninum Kaveh Solhekol.

Solhekol hefur lengi starfað fyrir Sky Sports en Ronaldo er mikið á milli tannana á fólki í dag eftir að hafa beðið um sölu frá Man Utd.

Solhekol nefnir þrjú félög sem eru helst nefnd til sögunnar sem næsti áfangastaður Ronaldo, Paris Saint-Germain, Chelsea og Bayern Munchen.

Ronaldo er hins vegar orðinn 37 ára gamall og er ekki víst að mörg félög séu tilbúinn að borga honum um 500 þúsund pund á viku.

,,Þetta eru möguleikarnir hans og það sem fólk er að tala um en miðað við aldur Ronaldo og hans laun er enn möguleiki á að hann verði áfram hjá Manchester United,“ sagði Solhekol.

,,Það er hins vegar erfitt að ímynda sér hann í rauðri treyju eftir að hafa sagt félaginu að hann vilji komast burt.“