Danski markvörðurinn Frederik Schram er í viðræðum við Val. Samkvæmt heimildum 433.is er hann með fjögurra ára samning á borðinu frá Hlíðarendafélaginu.
Schram er 27 ára gamall og er á mála hjá Lyngby í Danmörku. Hann er varamarkvörður þar undir stjórn Freys Alexanderssonar.
Markvörðurinn er með tvöfalt ríkisfang, íslenskt og danskt. Hann fór með íslenska landsliðinu á Heimsmeistaramótið í Rússlandi árið 2018.
Fyrir hjá Val er markvörðurinn Guy Smit. Hann hefur ekki staðið undir væntingum á Hlíðarenda eftir komu sína frá Leikni Reykjavík eftir síðustu leiktíð.