Englendingurinn Gary Martin snéri aftur til Vestmannaeyja á fimmtudag eftir að hafa verið rekinn burt frá Vestmannaeyjum í apríl.

Gary Martin samdi við Selfoss skömmu eftir að hafa verið rekinn frá Eyjum. Gary hafði tekið nektarmynd af liðsfélaga sínum í ÍBV sem lagði fram ákæru, málið er í kerfinu en Gary snéri aftur til Eyja í gær.

Gary skoraði eitt mark í 3-2 tapi Selfoss gegn ÍBV en fagn hans hefur vakið athygli og umræði á meðal margra. Þannig virðist Gary beina fagni sínu að manni sem staddur er í stúkunni.

„Ég hringdi til Vestmannaeyja í morgun, þar héldu menn að hann væri að gera grín að holdarfari formanns knattspyrnudeildar. Er það fallegt?,“ sagði Hörður Snævar Jónsson stjórnandi markaþáttar Lengjudeildarinnar sem sýndur var á Hringbraut í gær.

Samkvæmt heimildum þáttarins andaði köldu á milli Gary Martin og Daníel Geir Mortiz, formanns deildarinnar þegar málið kom upp og Gary var gert að yfirgefa Eyjuna í snarasta.

„Það er mjög breskt, skemmtilega ruglað,“ sagði Hrafnkell Freyr Ágústsson sérfræðingur þáttarins.

Hörður Snævar tók þá til máls. „Fitusmánun á Íslandi, við höfum lítinn húmor fyrir slíku. Við sendum rauða spjaldið á Gary Martin.“

Atvikið og brot úr leiknum má sjá hér að neðan.