Jadon Sancho, nýr leikmaður Manchester United, segir að Cristiano Ronaldo veiti sér innblástur inni á knattspyrnuvellinum.
Hinn 21 árs gamli Sancho kom til Man Utd frá Dortmund á 73 milljónir punda á dögunum. Hann hafði verið hjá þýska félaginu frá árinu 2017. Þar áður lék hann með yngri liðum Manchester City.
,,Hvaða leikmaður hefur áhrif á leik minn? Mér finnst allir vera mismunandi. Ég hef annað fram að færa en aðrir leikmenn en ég myndi segja Cristiano Ronaldo,“ sagði Sancho.
,,Það sem hann hefur gert á ferli sínum er frábært. Hann byrjaði með Sporting Lisabon og kom svo til Manchester. Það er alltaf gaman að sjá frábæra leikmenn koma til frábærra félgaga.“
Hinn 36 ára gamli Ronaldo lék með Man Utd á árunum 2003 til 2009. Hann skoraði 84 mörk í 196 leikjum fyrir félagið. Portúgalinn er goðsögn hjá félaginu.
Það verður áhugavert að sjá hvort Sancho takist að komast nálægt því sem Ronaldo gerði fyrir Man Utd á næstu árum.
