Ekkert gengur hjá KSÍ að fá svör frá Degi B Eggertssyni, borgarstjóra og hans fólki er varðar Laugardalsvöll.
Reykjavíkurborg er eigandi vallarins en KSÍ sér um rekstur, í gangi er rekstarsamningur sem KSÍ vill endurskoða.
Þá vill KSÍ einnig fá fjárhagslega aðstoð frá Reykjavíkurborg vegna landsleiks sem fram átti að fara í mars. Íslenska karlalandsliðið átti að mæta Rúmeníu í umspili um laust sæti á EM.
Til að gera leikvöllinn leikfæran þurfti KSÍ að leggja fram um 60 milljónir króna, leikurinn var svo ekki spilað vegna kórónuveirunnar.
,,Laugardalsvöllur: Illa gengur að fá svör frá Reykjavíkurborg varðandi upptöku rekstrarsamnings Laugardalsvallar og styrk vegna umspilsaðgerðar. Formaður KSÍ hefur gengið á eftir svörum en án árangurs,“ segir í fundargerð KSÍ.